Agenda 2030

2022(e)ko maiatzakren 5(a), osteguna

JASANGARRITASUNERAKO HEZKUNTZAKO XXIX TOPAKETAK

Azken bi urteetako etenaldiaren ondoren "Jasangarritasunerako Hezkuntza XXIX Topaketak" ospatu ziren apirilaren 29an Aranzadi Zientzia Elkartean. Aurten landutako gaia zinez interesgarria izan zen:Jasangarritasunerako Hezkuntza generoaren begiradatik. Ikastolako Agenda 2030eko talde sustatzailea bertan izan zen. Zuetako inork topaketen grabazioa ikusi nahiko balu Agenda 2030eko taldearekin harremanetan jarri eta gustura emango dizuegu.

2022(e)ko apirilakren 25(a), astelehena

ORKIDEA BASATIAK DONOSTIAN

Zenbait orkidea basati espezietako aleak agertu dira Bizkaia eta Gernikako Arbola pasealekuetako lorategietan, eta, ondorioz, gune horietako belarraren mozketa atzeratu egin dute. Ederrak benetan!

Albiste osoa irakurtzeko klikatu HEMEN.

2022(e)ko apirilakren 5(a), asteartea

NBEko KLIMA ALDAKETARI BURUZKO TALDEAREN TXOSTENA

Sarri entzun duguna errepikatzen du IPCC taldearen txostenak: berandu gabiltza eta erabakiak hartzeko unea da, larrialdi klimatikoaren ondorio okerrenei aurre egin ahal izateko. Egungo erritmoan, berotze globala 3,2 gradukoa izango da 2100. urterako, eta gogoratu behar dugu gehienez 1,5 graduko berotzea jarri zutela helburu gobernuek, Parisko Klima Gailurrean.

Albiste osoa irakurtzeko klikatu hemen.

2022(e)ko apirilakren 1(a), ostirala

LANDARE ETA INTSEKTU BABESGUNEA SORTZEN

Kaixo!

Ekolider txikienak gara. Loratu Herrian ikastola aztertu dugu. Ikastolakoen iritzia jarraituz intsektu eta landareen babesgunea sortu dugu ikastolan. Tximeleten santutegiaren ondoan dago. Mesedez, ez sartu barrura!

ESKOLARTEKO UDAL FOROA

Aurten bai! Pandemia dela eta azken urteetako zailtasunak atzean utzita aurten LHko Ekoliderrek Eskolarteko Udal Foroan parte hartu dugu. Maiatzean, ikasturtean egindako lanari itxiera emateko, Donostiako ikastetxeetako haurrek udaletxeari Donostia hobetzeko proposamenak eta konpromisoak aurkeztuko dizkiete. Hau prestatzeko, ikastetxe ezberdinetako ordezkariekin bildu ginen aste honetan Cristina Enean. Egun emankorra izan zen!

Telmo, Maider, Iosu, Ibai, Garazi eta Ariadna

2022(e)ko martxoakren 14(a), astelehena

TXIMELETEN SANTUTEGIA PRESTATZEN

Loratu Herria proiektuaren barnean eta gure ikastolako bioaniztasuna handitzeko helburuarekin Tximeleten Santutegia eraikitzen hasi gara. Ikastolako eremuak aztertu ondoren Tximeleten Santutegia eta Intsektuen babesgunea elkarren ondoan jartzea erabaki dugu, Mendi Txiki inguruan.

Momentu honetan prestaketa lanetan gabiltza, tximeleten gustukoak izango diren aza eta loreak landatzeko lurra prestatzen hasi dira LHko ikasleak.

2022(e)ko martxoakren 7(a), astelehena

LORATU HERRIA, IKASLEEN PROPOSAMENAK

Loratu Herria proiektuaren barnean Ekoliderrek ikastolako gainontzeko ikasleen iritzia jakin nahi zuten, gelaz-gela ibili dira eztabaida eta hausnarketa piztuz. Loratu Herria muralean jaso ditugun erantzunak dituzue hemen. Orain ekoliderrek proposamenak aztertu ondoren hartu beharreko neurriak proposatuko dituzte. Eskerrik asko parte hartu duzuen guztiei!

LORATU HERRIA- EKOLIDERRAK LAN ETA LAN

Loratu Herria proiektuarekin bat egin dugu, LHko ekoliderrak jo eta su dabiltza, ikusi duzue portxean jarri duten murala? Informazio mordoa biltzen ari dira, geletan ere ekarpen aberatsak egiten ari diren bitartean. Denon artean ikastolako berdeguneen egoera aztertzen gabiltza hobekuntzak proposatzeko.

-Nolakoak dira ikastolako berdeguneak? Zer egiten dugu bertan?

-Zenbatekoa da gune berdeen azalera ikastola?

-Zein izakii bizidun bizi dira gure zelai eta larreetan?

-Zer egin dezakegu ikastolako bioaniztasuna zaindu eta handitzeko?

Bejondeizuela!

IKASTOLAKO BIOANIZTASUNA 2

Aurreko astean txantxangorria kantuan eta orain okilek egindako zulotxoak topatu dituzte HHkoek, naturzale bikainak ditugu!

Izugarrizko zortea dugu, ikastolako bioaniztasuna oso aberatsa da. Ea gure inguruko okilei argazkia ateratzea lortzen dugun denon artean, txori ederra da benetan.

2022(e)ko martxoakren 3(a), osteguna

IKASTOLAKO BIOANIZTASUNA

HHkoak buru-belarri dabiltza txoriak aztertzen. Ezagutzen duzue kantua? Zein txori da?

2022(e)ko otsailakren 15(a), asteartea

NOLAKOAK DIRA GURE IKASTOLAKO BERDEGUNEAK?

Gure ikastolaz hitz egiten dugunean berehala esaten dugu gure ikastolan berdegune asko ditugula baina....

NOLAKOAK DIRA?

DENAK BERDINAK DIRA?

ZENBAT BIZIDUN BIZIDUN BIZI DIRA BERTAN?

NOLA ZAINTZEN DITUGU?

Galdera guzti hauen inguruan hausnartzeko LORATU HERRIA ekimena martxan jarri dugu.

Adi, berri gehiago laster!

2020(e)ko azaroakren 3(a), asteartea

Mundu bat putzu eginda

Begira zein artikulu interesgarria topatu dugun Berria egunkarian. Guk ere badugu Ikastola ondoan halako urmaela, ezta? Ezagutzen duzu?

Irakurri berria argazkian klik eginez:

2020(e)ko irailakren 24(a), osteguna

2019-2020 ikasturteko buletina

Hemen daukazue 2019-2020 ikasturtean egindako lanaren berri ematen duen buletina. Emaiozu begiradatxo bat! Hori da lan andana egindakoa! Egin klik argazkian buletina irakurtzeko.